Mas mabatyagan na sa Cambodia ang Christmas season sa karun kun ipaanggid sa mga tinalikdan nga tuig.
Sa interview sang Bombo Radyo kay April Dawn, Bombo International News Correspondent derekta sa Cambodia, masobra napulo ka tuig na ini nga nagatinir sa Cambodia kag sadto sa una sini nga pag-abot sa pungsod madutay gid lamang ang nagaselebrar sang Christmas.
Apang sa karun madamo na sang nagakilala sang Christmas kag amat-amat na nga mabatyagan ang paskwa.
Suno diri, kun sa Pilipinas basta ber-months na, naga-umpisa na ang mga Pilipino sa pagbutang sang Christmas decorations apang sa Cambodia naman nagabutang lamang sila kun malapit na ang Christmas eve.
Majority nga rehiyon sa Cambodia amo ang Buddhism apang wala man sang restrictions ang government sa pagcelebrate sang Christmas basta may respeto lang sa iban.
Nagatipon-tipon man didto ang Filipino community para magselebrar nga suno kay Dawn, kun ano ang selebrasyon sang paskwa sa Pilpinas, amo man magselebrar ang mga Pilipino didto.
