FINLAND – Malinong ang pagselebrar sang mga pumuluyo sang Finland sang Paskwa bisan ginapahayag nga diri nag-originate si Santa Claus.
Sang Biyernes, nagluntad ang snowstorm sa Finland kun sa diin mamadlos ang hangin kag nagalupad man ang snow.
Kadungan sang snowstorm suno sa iya, nagakatabunan ang mga dalan, mga salakyan kag bisan ang buhok sang tawo nga nagalakat.
Suno kay Torres, taga-hawak ang kataason sang snow ilabi na kun indi ini mabulldoze.
Aminado si Torres nga naanad na sila sa snow sa tion sang Christmas kun sa diin amo ini ang ila ginaagyan sa tion nga magreport sa trabaho.
Malinong ang pagsaulog sang Paskwa sa Finland bisan puno man sang Christmas decorations ang mga malls kun sa diin daw indi mabatyagan nga masadya ang mga tawo.
Suno diri, malinong ang Paskwa para sa mga tumandok nga taga-Finland bangud exclusive lang ini sa mga miyembro sang pamilya gani daw makabig ini nga masubo para sa mga pangayaw, apang mahilig naman ang mga ini sa shopping agud mamakal sang regalo para sa ila nga pinalangga sa kabuhi.
Sa tion nga wala sang pamilya sa Finland, nagakadto naman ang mga Pilipino sa balay sang ila abyan agud nga maselebrar ang Paskwa nga Filipino style.
Suno kay Torres, may limit lang ang pagginahod sa tion nga nagaselebrar ukon nagahugyaw bangud nagareklamo ang tupad-balay ukon kaiping nga apartment.
May Simbang Gabi man sa lugar nanday Torres bangud may pari nga Filipino nga didto naassign.
Suno kay Torres, Christmas ang nagapanguna nga festival nga ginaselebrar sang mga Finnish.
