Nagbunggu-anay ang passenger plane kag Blackhawk helicopter sang magahugpa na kuntani ang jet sa Ronald Reagan Washington National Airport.
Suno sa federal aviation official, ang aksidente ang natabo sang ang jet, nga gina-operar sang regional carrier PSA Airlines, ang magahugpa kuntani sa runway alas-7:00 kaina sang aga, oras sa Pilipinas ukon alas-9:00 sang gab-i sa America.
Ang American Eagle Flight 5342, ang nagikan sa Wichita, Kansas kag magalanding kuntani sa Runway 33, apang matapos ang collision, ini ang nagtupa sa Potomac River nga malapit sa airport.
Samtang ang passenger jet nga Bombardier CRJ-700, ang may maximum capacity nga 70 ka tawo, may duha ka piloto kag duha ka flight attendants.
Sa karun, wala pa sang reported nga fatalities ukon napatay sa aksidente.
Matapos mabatun ang report, nagpasalig naman si US President Donald Trump nga siya ang nagamonitor sa sitwasyon.
Nagpahayag naman ang Federal Aviation Administration kag National Transportation Safety Board nga sila ang magapatigayon sang imbestigasyon.
