Passenger kag cargo fuel surcharge rate sa eroplano, liwat nga magasaka

Liwat nga magasaka ang sukot sa passenger kag cargo fuel surcharge sa eroplano.

Ini ang kasunod sang anunsyo sang Civil Aeronautics Board nga liwat nga ginbalik sa Level 5 ang fuel surcharge rate epektibo sa Marso.

Sa idalom sang Level 5 Rate, ginapahanugutan ang mga airline nga magpanukot sang fuel surcharge nga yara sa P150 tubtob P500 para sa domestic flights kag halos P500 tubtob P3,700 naman para sa international flights nga igadugang sa airline ticket base fare sang mga pasahero.

Sang nagligad nga Oktubre 2024, ginpapanaog sa Level 4 ang fuel surcharge rate halin sa Level 5.

Bangud nga nagpabilin sa Level 4 ang fuel surcharge, wala halos sang nangin paghulag sa presyo sang pamasahe sa eroplano sa nakaligad nga lima ka bulan.