Passenger plane nga may sakay nga 242 nga pasahero, nagcrash sa India; Isa gid lamang ang nakasurvive

Nagcrash ang isa ka London-bound passenger plane sa Ahmedabad, India kun sa diin isa lamang ang nakaluwas sa 242 ka mga pasahero on board matapos nga nagtupa ang jet sa mga buidlings nga ginatiniran sang mga doktor kag sang ila pamilya.

Narecover ang mga bangkay nagikan sa crash site kag ang likod sang Boeing 787-8 Dreamliner nga nagakabit sa kilid sang isa ka building.

Suno kay Prime Minister Narendra Modi, ang trahedya sa Ahmedabad ang ginkakibot kag ginkasubo sang gobyerno sang India.

Ang mga bangkay sang mga pasahero kag biktima sa ground ang nalakip sa 204 ka mga narecover so far.

Suno kay state health official Dhananjay Dwivedi, isa lamang ka survivor ang kumpirmado kag yara sa karun sa ospital.