Wala pa nalab-utan sang isa ka adlaw matapos nga ginformalize sini ang iya Senate bid, naka-engkwentro na si Kingdom of Jesus Christ (KOJC) founder Pastor Apollo Quiboloy sang isa ka possible legal challenge sa iya kandidatura.
Sang Martes, si Quiboloy, nga nakadetain sa karun bangud sa qualified human trafficking kag child abuse charges, ang nagfile paagi sa iya authorized representative sang isa ka certificate of candidacy agud magpapili sa pagka-senador sa idalum sang Workers’ and Peasants’ Party (WPP).
Ginpanginwala naman ni Sonny Matula sang WPP ang pagnominate sini kay Quiboloy bilang Senate bet.
Sang Miyerkules, ginpahayag ni Atty. Mark Tolentino, nga amu ang nagfile sang COC ni Quiboloy, may yara sang “faction” sa WPP kag siya ang Presidente sang lehitimo nga partido.
Suno naman kay Matula, imahinasyon lamang ni Tolentino nga may faction diri.
Agud malikawan ang posible nga disqualification, ginpahayag ni Tolentino nga sila ang magafile sang isa ka petisyon sa Comelec agud ma-amend ang COC ni Quiboloy kag mahimo ini nga isa ka independent nga kandidato.
