Gintransfer si Pastor Apollo Quiboloy sa Pasig City Jail – Male Dormitory, malapit tatlo ka bulan matapos nga napaidalum sa kustodiya sang Philippine National Police sa Camp Crame.
Pila ka minutos antes ang iya pag-abot, ginlaragway sang iya abogado nga si Atty. Israelito Torreon ang televangelist nga “resilient and fighting” samtang ginalauman sini ang iya pagsaylo.
Suno kay Torreon, medyo congested sa nasambit nga dormitory apang may mga security protocols man nga igapatuman.
Suno sa iya, wala pa ini nakahibalo kun ano nga mga protocols kag ginatugyan na ini sa Bureau of Jail Management and Penology.
Suno kay Torreon, mas maayo kun si Quiboloy ang yara sa sulod sang PNP Custodial Center bangud sa security reasons.
Mentally prepared naman si Quiboloy sa pagsaylo sa iya suno sa iya abogado.
