Nakabalik na sa Pasig City Jail si Pastor Apollo Quiboloy matapos ang pila ka adlaw nga pagka-confine sa ospital.
Suno kay Bureau of Jail Management and Penelogy (BJMP) spokesman Supt. Jayrex Bustinera, gintuman sang mga ini gilayon ang mando sang korte kag ginbalik sa prisuhan si Quiboloy.
Sang Enero 18, gindala sa Rizal Medical Center si Quiboloy bangud sa reklamo sini nga nabudlayan sa paginhawa.
Matapos sini ginsaylo siya sa The Medical City kun sa diin na-diagnosed siya sang community acquired pneumonia.
Una nga ginmando sang Pasig Regional Trial Court branch 159 sadtong Enero 23 nga isaylo sa Pasig City General Hospital si Quiboloy matapos nga ma-diagnosed sang moderate risk pneumonia kag stage 2 hypertension.
Samtang nagapaayo si Quiboloy ginpasugtan man sang korte nga magpadala sang video message para sa kampanya apang wala siya gintugutan nga ma-interview sang mga media.
