Ginpahayag sang Department of Justice nga apisar nga wala nagtambong si Vice President Sara Duterte sa hearing sang National Bureau of Investigation, malauman sini ang isa ka fair evaluation sa ginaalegar mga pagpamahog nga ginhimo sini batok kay President Ferdinand Marcos Jr.
Suno kay DOJ Undersecretary Jesse Andres, masubo nga wala nagpakita sa NBI ang bise-presidente sang Miyerkules.
Suno kay Andres, ginhatag sa iya ang due process kag indi sini maintindihan kun ngaa indi sini luyag nga mangin kabahin sang proseso nga posible makapadula sa iya sang criminal liability.
Suno diri, makasalig ang bise-presidente sang fairness apisar nga ang kaso ang ginfile sang NBI sa DOJ kag nagpatawag sang isa ka preliminary investigation ang mga prosecutors.
Nagpaandam man si Andres nga ang pagpadala sang sulat kaangay sa ginhimo sang bise-presidente sa NBI, ang indi supisyente bangud required ang notarized affidavits sa preliminary investigations.
