Patay ang isa ka amay samtang pilason naman ang anak sini nga babayi matapos gin-alegar ginbuno sang live-in partner sang iya bata sa Brgy. Alimango ciudad sang Escalante, Negros Occidental.
Ginkilala ang mga biktima nga sanday Ricardo Prietos, 76-anyos kag Alma Prietos, 32 anyos.
Sa interview sang Bombo Radyo Bacolod kay Police Lt. Suzennie Anne Legada, Deputy Chief of Police sang Escalante City Police Station, santo sa report, nagsulod ang suspek nga si Ronilo Loridas, 36 anyos, residente sang Brgy. Pinapugasan sa nasambit nga ciudad ang balay sang mag-amay kag nagluntad ang indi pag-instindihanay kun sa diin ginbuno sang suspect ang mga ini.
Suno kay Legada, gilayon man nga nagpangayo sang bulig si Alma kun sa diin gindala pa ang mga ini sa ospital apang ang 76 anyos ang gindeklarar nga dead on arrival matapos makaagom sang multiple stab wounds.
Ginpahayag man nga sadto pa man may yara na sang indi pag-intsindihanay ang magtimbang nga bahin bangud suno sa suspek ginapulihan ini sang pamilya sang live-in partner sini.
Nakahunong na ang suspek sa Escalante City Police Station matapos madakpan paagi sa hot pursuit operation kag bangud man sa bulig sang mga barangay officials.
