Kun sa iban nga mga lugar may ara sang symbolic nga pagpalupad sang mga pating ukon pegions, sa bahin sang Russia naman, ini ang ginapalupad agud himuon nga “biodrone.”
Isa ka startup business ang naimbento sa Russia kun sa diin ang pating ang ginabulos sa moderno nga drone.
Suno sa Russian Scientist, nakahimo sila sang implant nga ibutang sa utok sang kalapati nga mahimo makontrol halin sa malayo nga lugar.
May ara ini sang ginabutangan nga electrode sa utok nga nakakonekta sa isa ka aparato sa ulo sang pating kag may dala man nga “solar backpack” nga may mga electronic camera.
Pahayag sang founder nga si Alexander Panov, may ara sang signal sa utok sa pating sa pre-loaded nga ruta sa paglupad sini nga nakabase man sa GPS ang lokasyon.
Suno kay Panov, ang isa ka pating ang sarang makalupad tubtob 300 miles sa sulod sang isa ka adlaw nga wala nagakinahanglan sang battery recharge.
Nagaplano man sila nga magamit sang iban pa nga klase sang pispis kaangay sang uwak, seagull kag albatross para sa mas mabug-at nga karga kag mas malapad nga mga lugar.
Pahayag sang kompanya nga ang biodrones ang mahimo magamit sa pagmonitor sang imprastruktura, pag-inspeksyon sang pabrika, kag sa mga rescue mission.
Apang, ang iban nga mga eksperto ang nagakabalaka sa gihapon bangud posible ini gamiton sang iban sa mga militar nga katuyuan.
