Ginkompirmar sang Department of Social Welfare and Development (DSWD) Region 6 nga nag-umpisa na ang pay-out para sa mga benepisyaryo sang Pantawid Pamilyang Pilipino Program (4Ps) nga may yara sang cash cards sang Miyerkules, Marso 10.
Sa interview sang Bombo Radyo Bacolod kay Belen Gebusion, regional project coordinator sang 4Ps sang DSDWD Region 6, nag-umpisa ang pagpanagtag sang cash grant para sa modified conditional cash transfer beneficiaries sang Marso 10 samtang ang regular conditional cash transfer beneficiaries ang nag-umpisa subong nga adlaw, Marso 16.
Ang cash grants nga ila makuha ang para sa Period 6 ukon para sa bulan sang Disyembre 2020 kag Enero 2021.
Ang mabaton nga cash grant sang mga benepisyaryo ang nakabase sa mga ginasunod nga kondisyon para sa nutrisyon, ikaayong lawas kag edukasyon.
Kalakip naman diri ang pagtambong sa mga electronic Family Development Sessions (eFDs) nga nakadepende sa ginagamit nga modality ukon paagi sa tagsa ka lugar.
Samtang ang mga beneficiaries nga wala sang cash cards ang ginapanugyanan nga maghulat sang abiso sang tagsa ka syudad ukon banwa para sa schedule sang pay-out.
Suno kay Gebusion, wala nagakahulugan nga available man ang cash outright kun maghambal ini nga nacredit na.
Ang modified kag regular conditional cash transfer beneficiaries ang may pinakamadamo gani ginaschedule sang ila bank partner sang ahensya nga Land Bank kada banwa agud makawithdraw sang kwarta bangud sa ginasunod nga health protocols batok sa COVID-19.
Samtang, ginbatak naman ang force majuer nga ginpatuman sa apat ka mga LGU sa probinsya sang Negros Occidental bangud sa pagbaha.
Ang mga LGU ang ginalakipan sang syudad sang Talisay, Silay, banwa sang EB Magalona kag syudad sang Cadiz.
Ang monitoring kag validation sa compliance sang mga beneficiaries ang ginapatigayon sa bilog nga bulan sang Pebrero subong nga tuig.
