Natupok sang kalayo ang isa ka payag sa Villa Angela, Barangay Robles, La Castellana bangod nga nagdako ang kalayo gikan sa ginsunog nga basura kag nalab-ot sang kalayo ang payag.
Ang payag ang ginapanag-iyahan ni Lucia Gonzales.
Sa interview sang Bombo Radyo kay Senior Fire Officer 3, Eulogio Patriarca, ang payag ginastockan sang mga kahoy kag mga daan nga gamit.
Suno diri, nagtutod sang basura ang timbang sang balay apang ginbayaan sini kag wala nanotisyaran nga nagdako ang kalayo.
Kapin P9,000 ang balor sang halit sang sunog.
Pahayag ni Patriarca, natapos na ang fire prevention month apang nagsugod pa lamang ang mainit nga tiyempo, gani nagpanugyan ini sa tagsa nga maghalong kag kun magdabok magastandby sang tubig agud nga kun magdako ang kalayo ini ang mahingagaw pa.
