Engaged na ang Filipino basketball star nga si Kiefer Ravena sa beauty queen nga si Diana Mackey.
Ang announcement ang ginpaagi sang 31-anyos nga former Gilas Pilipinas captain sa isa ka Instagram post nga may caption “An October to remember” kun sa diin ginlakip ang siyam ka assorted photos sang sceneries, self-portraits, iya iloy nga si Mozzy, kag ang picture nila ni Mackey nga may suksok nga engagement ring.
Nagbubo man ang panginbulahan halin sa kaangay ni Kiefer nga mga atleta kalakip na sanday former Ateneo stars Dave Ildefonso kag Vanie Gandler kag kaangay sini nga Japan B. League veteran import nga si Ray Parks, Jr.
Si Diana, 26 anyos, isa anay ka flight attendant, kag kilala sa iya stint sa Binibining Pilipinas kag nakadangat sa top 12 sang gintiglawas sini ang Nueva Ecija sa 2022 edition.
Nagahampang sa karun si Ravena sa Yokohama B-Corsairs bilang isa ka Asian import sa Japan B.League.
Nahibaluan nga apat ka adlaw antes ginsapubliko ang ila engagement, gin-“hard launch” ni Mackey ang ila relasyon sa labing-una nga tion sa amo man nga social media platform kag gintawag ang Ilonggo basketball star nga “biggest plot twist” sang iya 2024.
