Nagpabutyag si President Ferdinand ”Bongbong” Marcos Jr. sang paglaom nga ang All Saints’ Day kag All Souls’ Day ang magapahanumdum sa mga Filipino sang values sang pagtuo, resilience kag paglaom.
Sa iya mensahe, ginpahayag ni Marcos nga nagaupod ini sa tanan nga Filipino Catholics sa pungsod kag sa bilog nga kalibutan sa pag-obserbar sang All Saints’ Day kag All Souls’ Day.
Suno kay Marcos, sa karun, ginadumdum ang mga nagtaliwan na paagi sa ila ehemplo sang pagtuo kag pagpalangga sa iban.
Ini ang tiyempo para sa reflection nga kun sa diin ginadumdum ang mga nagtaliwan na nga mga tumuluo nga nangabuhi nga may honor, sakripisyo kag serbisyo.
Suno kay Marcos, ini man ang oportunidad agud mapabakod pa ang bond para sa ikaayo sang spiritual life indi lamang sa Ginoo kundi sa isa kag isa.
