Posible nga malikawan ang sulit-sulit nga flash floods kag mapaayo ang irigasyon, supply sang tubig kag access sang mga pamalay sa matinlo nga tubig kun maayo nga nahimo ang mga proyekto sang gobyerno.
Ini ang ginpahayag ni President Ferdinand “Bongbong” Marcos Jr. sang ginbuyagyag sini ang mga pasaway nga mga kontratista matapos matukiban ang isa ka ghost flood control project sa Bulacan kag nangin deja vu na naman sang nag-ulan sang matudo kag ginbaha ang kalye sang Metro Manila kag mga kalapit nga lugar.
Ginpunto ni President Ferdinand Marcos Jr. ang importansya sang pagpatuman sang mga nakaplano nga proyekto.
Suno sa Presidente, kung tanan nga proyekto ang maayo nga ginapatuman, dako kuntani nga problema sang gobyerno kag mga pumuluyo ang madula.
