Ginpahayag ni President Ferdinand Marcos Jr. nga dismayado ini nga mabatian nga wala siya ginkabig nga abyan ni Vice President Sara Duterte.
Ini ang ginpahayag ni Marcos sang siya ang ginpamangkot natuhoy sa ila relasyon sang bise-presidente.
Suno diri, wala na ini nakahibalo kag indi ini sigurado apang siya ang dismayado nga wala ini ginkabig nga abyan ni Duterte.
Suno diri, nagsulod sa iya panghuna-huna nga posible siya ang naintuan.
Madumduman nga si Duterte ang nagresign nagikan sa Gabinete ni Marcos subong nga tuig apang wala sini ginpatpat ang rason sa iya resignation letter.
Ginpahayag man ni Marcos nga makabig nga “unfair” kun idesignar si Duterte bilang caretaker sang Pilipinas kun wala ini sa pungsod bangud indi na ini kabahin sang administrasyon.
Suno diri, kabahin pa sang gobyerno ang bise-presidente apang nagbiya na ini sa administrasyon gani makabig nga unfair nga i-impose sa iya ang ini nga duty bangud indi na ini kabahin sang iya trabaho sa karun.
