Gindepensahan ni President Ferdinand “Bongbong” Marcos Jr. si Sen. Francis “Chiz” Escudero angot sa alegasyon nga ginpadugay ang una nga impeachment proceedings batok kay Vice President Sara Duterte.
Suno kay Marcos, opinyon lamang ang mga alegasyon kag indi dapat mangin basehan agud kwestyunon ang ikasarang ni Escudero bilang presiding officer sang impeachment trial.
Suno sa presidente, ang delay sa impeachment proceedings sang nakaligad ang bangud sa nangin desisyon sang Korte Suprema kag indi bangud sa pagpamuno sang Senador.
Ini ang sabat ni Marcos matapos nagpahayag si Sen. Ping Lacson nga mahimo mangin presiding officer si Escudero sa impeachment trial ni Duterte sa palaabuton nga Hulyo 6.
Nagpahayag naman ang bahin sang House Prosecution Panel nga ila ginarespeto ang mangin desisyon sang Senado.
