Ginhangkat ni President Ferdinand Marcos Jr. si Kingdom of Jesus Christ (KJC) founder Apollo Quiboloy nga magpakita kag atubangon ang mga kaso nga ginfile batok sa iya kag ginpahayag nga ang mga otoridad ang nagasunod lamang sa layi.
Sa isa ka ambush interview, ginpamangkot ni Marcos kun ngaa ginakwestiyon sang kampo ni Quiboloy ang mga motibo sang mga persona sa likod sang P10 million nga reward para sa pagkaaresto sang pastor kun sa diin ang gobyerno kag ang mga pumuluyo ang nagabulig lamang sa pag-implementar sang layi.
Suno kay Interior Secretary Benjamin Abalos Jr., may mga pribado nga indibidwal nga nag-offer sang isa ka P10 million reward para sa pagkaaresto ni Quiboloy bangud sa outstanding human trafficking kag child sexual abuse warrants.
Suno kay Marcos, sarang sini nga makwestiyon ang motibo sang mga pribado nga indibidwal apang dapat nga magpakita ini.
Sang Martes, ginpahayag sang legal counsel ni Quiboloy nga si Atty. Ferdinand Topacio nga sala sa tanan nga level ang reward apang wala naman sang may nagakakit-an nga problema diri ang Presidente.
