Ginkumpirmar sang alkalde sang ciudad sang Bacolod nga indi makatambong sanday President Ferdinand “Bongbong” Marcos Jr. kag si First Lady Liza Araneta-Marcos sa selebrasyon sang Masskara Festival subong nga tuig.
Apang madamo naman sang mga opisyales nagikan sa national government ang magapadulong sa ciudad kag isa diri ang anak sang presidente nga si Ilocos First District Congressman Sandro Marcos.
Suno kay Bacolod City Mayor Alfredo “Albee” Benitez, ang first couple ang indi makaabot bangud sa masako nga schedule.
Wala man sang signal jamming sa tion sang kapiyestahan kag napatuman naman ang gun ban tubtob sa Oktubre 27.
Samtang ginatun-an sang ciudad kag Bacolod Yuhum Foundation ang road closure kag truck ban para sa natalana nga performance sang SB19, Moira, TJ Monterde, KZ Tandingan kag iban pa sa October 18 kag 20.
Natalana sa Oktubre 18 ang performance sang rap artists nga sanday Skusta Clee kag Flow G para sa Sari-Sari Store and Masskaravan Concert sang Puregold kaupod ang kilala nga grupo nga SB19 sa Bacolod City Government Center.
Sa October 20 sanday Moira naman kaupod ang actor nga si Piolo Pascual kag Franco Band nga ginapanguhan sang ila front man nga si Franco Reyes ang maga-perform sa Bingoplus Day sa BCGC.
Magabalik man ang kilala nga singer songwriter nga si TJ Monterde kaupod ang misis nga si KZ Tandingan.
Ginalantaw nga magadagsa naman ang mga magalantaw sa nasambit nga inadlaw.
Samtang ginakinahanglan ang issuance sang permit gikan sa LGU para sa paggamit sang drone sa festival sites.
