PBBM, naghatag sang P80 million nga financial assistance sa mga nabahaan sa Albay kag Naga City

Naghatag sang P80 million ang financial assistance si President Ferdinand Marcos Jr. sa mga nabahaan nga local government unit sa Albay kag Naga City tuga sang Severe Tropical Storm Kristine.

Ang Office of the President ang nagpalab-ot na sang balor P50 million financial assistance kay Acting Albay Governor Glenda Ong-Bongao kag P30 million naman kay Naga City Mayor Nelson Legacion.

Ginpahayag ni Department of Social Welfare and Development (DSWD) Secretary Rex Gatchalian, nga 35,000 ka mga food packs ang ginadul-ong sang ahensya sa Naga City.