Ginkumpirmar ni President Ferdinand Marcos Jr. nga ginhingyo sini ang mga mamalidha nga likawan ang pagfile sang isa ka impeachment complaint batok kay Vice President Sara Duterte.
Suno kay Marcos, nagpadala ini sang isa ka text message sa mga maalidha agud i-discourage ang impeachment complaint, matapos ang ginaalegar mga pagpamahog ni Duterte batok sa iya.
Suno kay Marcos, isa ini ka private communication apang ini ang naleak na kag iya gin-ako nga ini ang iya opinion.
Suno diri, indi ini importante kag indi makabulig sa kabuhi sang maskin isa ka Filipino kag indi dapat pag-uyangan sang tiyempo.
Suno sa iya, kun magfile sang impeachment, iga-tie down sini ang Kongreso kag Senado.
Magakuha sang tiyempo para lamang sa wala kag makabig ini nga isa ka “storm in a teacup.”
Sang ginpamangkot ini natuhoy sa reaksyon ni Duterte nga sila ang nakalab-ot na sa point of no return, nagsabat lamang si Marcos nga “Never say never.”
