Nagpatawag sang isa ka meeting si President Ferdinand ‘Bongbong’ Marcos Jr. kaupod ang iya mga economic managers agud diskusyunan ang posible nga impacts sang krisis sa middle east.
Suno kay Palace Press Officer Undersecretary Claire Castro, may matabo nga meeting kaupod ang economic team kag ang Presidente kag subong nga adlaw pa ang igahatag nga detalye.
Suno sa Department of Transportation, ginafinalize pa sini ang guidelines para sa fuel subsidy program, nga may tinutuyo nga maghatag sang financial assistance sa apektado nga mga stakeholders kaangay sang public utility vehicle drivers.
Ang gin-aprubahan nga guidelines ang ginalauman nga pagalakipan sang official list snag mga benepisyaryo, balor sang igahatag sa kada benepisyaryo kag ang distribution.
Ginhatagan naman sang go signal sang Department of Energy ang DOTr nga i-tap ang P2.5 billion allocation para sa fuel subsidy program sa idalum sang 2025 budget.
