Ginpahayag ni President Ferdinand “Bongbong” Marcos, Jr kagab-i nga wala ini nagmando nga dakpon si Sen. Ronald “Bato” Dela Rosa nga subject sang arrest warrant nga gin-issue sang International Criminal Court (ICC) nga may kaangtanan sa mga pagpatay sa idalum sang war on drugs sang Duterte administration.
Sa isa ka video message, nagpanawagan man si Marcos sang kalinong matapos nabatian ang mga linupok sa tion sang lockdown sa Senate premises kag ginpahayag sini nga wala sang papel ang pwersa sang gobyerno sa pagpangluthang.
Suno kay Marcos, mgapatigayon sang nagakaigo nga imbestigasyon ang Philippine National Police agud mahibaluan kun ang insidente ang isa ka engkwentro ukon kabahin sang destabilization effort.
May kaangtanan sa insidente sang pagpangluthang, ginpahayag ni Marcos nga indi ang gobyerno ang may kahimuan sini.
Dugang pa ni Marcos, ang mga uniformed personnel sa Senate building amo ang mga police officers kag Marines nga gin-assign sa pag-secure sang institusyon kag pagsiguro sang crowd control.
Ginhinambit man sini nga pila sa mga armado ang personnel sang Office of the Senate Sergeant-at-Arms.
