Nagpanagtag sang bulig si President Ferdinand “Bongbong” Marcos Jr. kadungan sa pagbisita sini sa evacuation center sa ciudad sang La Carlota.
Ang presidente ang una nga nagpanguna sa proclamation rally sang Alyansa Para sa Bagong Pilipinas sa ciudad sang Victorias City.
Kasunod sini, si Marcos ang nagpadulong sa La Carlota South Elementary School, ang ikaduha nga evacuation center sang ciudad.
Yara naman sa masobra isa ka gatos ka pamilya ukon 385 ka indibidwal gikan sa mga evacuation center sang ciudad ang nagtipon para sa ceremonial distribution.
Ang mga evacuees ang nakabatun sang P5,000 kag family foodpacks.
Nagpasalig ang presidente nga padayon nga magahatag sang bulig kag suporta ang gobyerno para sa mga naapektuhan nga pamilya sa paglupok sang bulkan Kanlaon.
Suno kay Marcos, indi sila mag-untat sa pagdul-ong sang bulig sa mga Negrense nga nagakinahanglan.
Ginpasalamatan man sang alkalde ang mga alklade sang probinsya sang ila aktibo nga pag-coordinate sa National Government sa pagpalab-ot lsang concern kag pagkinahanglanon sang ila mga nasakpan.
Upod sang presidente sanday Department of Social Welfare and Development (DSWD) Secretary Rex Gatchalian, Negros Occidental Governor Eugenio Jose Lacson, Vice Governor Jeffrey Ferrer, La Castellana Mayor Rhumyla Nicor-Mangilimutan, La Carlota Mayor Rex Jalando-on kag Bacolod City Mayor Albee Benitez.
Samtang nagpatigayon sang meeting si President BongBong Marcos Jr. kaupod si Department of Social Welfare and Development (DSWD) Rex Gatchalian, katapo sang Office of the Civil Defense, Governor Bong Lacson, Vice Governor Jeffry Ferrer, Bacolod City Mayor Albee Benitez kag pila ka mga alkalde sang mga ciudad kag banwa sang Sur nga bahin sang Negros Occidental.
Ila gin-estoryahan ang pagpabaskog sang gobyerno sa preparasyon sa padayon nga aktibidad sang Bulkan Kanlaon.
