Nakighinun-anon si President Ferdinand Marcos Jr. sa Ambassador sang France kag sa Chargé d’Affaires sang embahada sang Czech Republic agud diskusyonan ang kaso ni former Ako Bicol Representative Zaldy Co.
Sa nasambit nga pagsinapol, ginpahayag sang presidente ang iya pagkadismaya, bangud sa baylo sang pagpaninguha sang Pilipinas, nagapabilin nga at large si Co sa Europa.
Nagpangayo ini sang dugang nga impormasyon kun ano ang natabo kag kun ngaa ginbuy-an si Co gikan sa kustodiya sang mga otoridad sa Czech Republic.
Apang, kumpiyansa ang presidente sa relasyon sang Pilipinas sa France kag Czech Republic kag ginalauman sang presidente nga sa masunod nga tion, mas mapabaskog pa ang police cooperation diri.
Madumduman nga nagsumiter ang Pilipinas sang extradition request agud mapabalik si Co sa pungsod, apang nagin mabudlay ang proseso bangud sa legal nga teknikalidad kag requirements sang European jurisdictions.
