Nanindugan si President Ferdinand “Bongbong” Marcos Jr. nga indi magcooperate ang iya gobyerno sa International Criminal Court (ICC) sa imbestigasyon sini sa drug war sang administrasyon ni former President Rodrigo Duterte.
Suno kay Marcos, indi magkooperar ang Pilipinas sa ICC kag ini ang position sang gobyerno.
Sa hearing sang House Quad Committee (QuadCom) sang Miyerkules, ginhangkat ni former President Rodrigo Duterte ang ICC nga magpatigayon sang immediate investigation natuhoy sa iya war on drugs nga ginabasul sa kamatayon sang linibo ka mga indibidwal.
Suno sa Presidente, indi naman pagpunggan sang gobyerno ang isa ka ICC probe matapos ang mga pahayag ni Duterte.
Dugang pa sini nga kun magpasugot si Duterte, magaistorya ini ukon magapa-imbestiga, iya na ini kag wala na sila sa nasambit nga desisyon.
