Nanindugan si President Ferdinand “Bongbong” Marcos Jr. nga wala sang kahilabtanan ang executive branch sa impeachment ni Vice President Sara Duterte.
Suno kay Marcos, ang executive branch ang indi pwede nga maghilabot kag wala ini sang role sa impeachment.
Apang gin-ako niya nga ila ini nadiskusyunan kaupod ang House Speaker kag iban pa nga mga kongresista apang namangkot lamang ini kun ano ang ila plano kag kun ano ang ila luyag himuon.
Una na nga ginpahayag ni Marcos nga gindiscourage sini ang mga mamalidha nga maghimo sang tikang agud i-impeach si Duterte kag ginpahayag nga indi ini makabenepisyo sa mga pumuluyo.
Apang suno sa iya, wala sang choice ang Kongreso kundi maghimo sang tikang sa impeachment complaints nga ginfile batok sa bise-presidente bangud ini ang ila Constitutional mandate.
Suno diri, kun nafile na ang impeachment complaints, wala na sila sang choice, ang Kongreso kag Senado kundi maghimo sang tikang natuhoy sa mga complaints kag ini ang natabo.
