Ginpahayag sang Malacanang nga wala sang tinutuyo si President Ferdinand “Bongbong” Marcos Jr. nga magpatawag sang isa ka special session para sa Senado nga maghimo sang tikang natuhoy sa impeachment ni Vice President Sara Duterte, kag ginpahayag nga mabutang sang awkward position ang Presidente sa tunga sa karun sang mga alegasyon nga si Marcos ang yara sa likod sang impeachment sang bise-presidente.
Suno kay Palace Press Officer Undersecretary Claire Castro, mas maayo kun ang Senado ang magarequest sa Presidente bangud mismo si Marcos na ang naghambal nga kun ang Senado ang magahingyo sa iya nga magpatawag sang isa ka special session, iya ini pagahimuon.
Suno kay Castro, wala pa nakabaton sa karun ang Palasyon sang maskin ano nga request nagikan sa Senado agud magpatawag sang isa ka special session.
