Ginalauman sang pamunuan sang Philippine Coast Guard nga madamo ang magapadulong sa ciudad sang Bacolod agud magbisita kadungan sang selebrasyon sang Masskara Festival.
Sa interview sang Bombo Radyo Bacolod kay Bombo Radyo Bacolod kay Commander Jansen Benjamin, Commander, Coast Guard Station-Northern Negros, ginpasanyog sang Philippine Coast Guard ang security measures nga ila ginpatuman.
Suno kay Benjamin, nagdeploy sila sang mga afloat revival inflatable boat kag rubber boats para sa dugang nga seguridad bangud bisan wala sang aktibidad sa kadagatan ang insidente ang indi mapaktan.
Nagcoordinate naman ang Coast Guard Station-Northern Negros sa Coast Guard sa Dumangas, Iloilo kag sa Iloilo City agud nga kun may yara sang mga illegal nga pagkabutang ukon illegal nga druga ang indi na makalusot kag madala sa ciudad sang Bacolod.
Ginpahayag man nga pag-abot sa pantalan sa ciudad sang Bacolod, magapatuman man sang masanyog nga security measures.
Suno kay Benjamin nagcoordinate man sila sa intelligence community.
Nagpanugyan man ini nga kun may makaduluda nga makita ang mga pasahero ukon ang mga pumuluyo sa palibot mahimo ang mga ini nga makig angot sa mga otoridad bangud may yara man sang emergency contact numbers ang mga pantalan.
Nagpangayo man ini sang pasaylo sa mga pasahero bangud magapatuman ang Coast Guard sang dugang nga security measures sa mga pantalan agud nga masiguro ang seguridad sang tanan nga magabiyahe.
