Ginpahayag sang Philippine Coast Guard nga magadeploy ini sang kapin 17,000 personnel sa mga ports kag pila ka mga tourist spots sa Holy Week matapos nga ginpasaka sang ahensya ang isa ka heightened alert status samtang nagabyahe ang mga Filipino papauli sa ila mga probinsya.
Ang “Oplan Byaheng Ayos Semana Santa” sang PCG ang aktibo humalin Abril 13 tubtob 20, suno kay PCG Deputy Spokesperson Michael John Encina.
Suno diri, sa kabug-usan, sila ang magadeploy sang 17,000 personnel agud maghatag snag pre-departure inspection, magbantay sa mga pantalan kasubong man sa magagmay nga mga pasahero nga floating asset agud makatabok sa malapit nga mga lugar.
As of April 14, alas 6:00 sang kaagahon, masobra 31,000 ka mga pasahero ang namonitor sa nagkalain-lain nga ports sa pungsod.
