-- ADVERTISEMENT --
Nagpanugyan ang pinuno sang Coast Guard Station-Negros Occidental nga diutayon lang ang dala sa tion nga magbiyahe subong nga holiday season.
Sa interview sang Bombo Rayo Bacolod kay Commander Ludovico Librilla, normal ang biyahe nagikan sa Bacolod patabok sa Iloilo vice versa apang ginsunod nila ang mando sang Local Government Unit (LGU) nga magpatuman sang moratorium sa mga returning residents nagikan sa Manila.
May ginpatigayon man sila nga meeting kaupod ang Maritime Industry Authority (MARINA), kag Philippine Ports Authority (PPA) para sa Oplan Ligtas Biyahe.
May gindeploy man sila nga mga personnel sang coast guard kag may augmentation man ang PNP personnel agud masiguro nga natsekyar nga hilway ang pagbiyahe sang mga pasahero.
