Preparado na ang Philippine Coast Guard Station Negros Occidental sa pagdugok sang mga pasahero sa mga pantalan kadungan sang selebrasyon sang Masskara Festival 2025.
Sa interview sang Bombo Radyo Bacolod kay Lt Junior Grade John Hoffer Olis, Public Information Officer sang Coast Guard Station Northern Negros Occidental, may 12 ka mga PCG personnel ang gindeploy para sa augmentation sa paghatag sang seguridad sa mga festival goers.
Suno kay Olis, hugot naman ang security measures nga ginapatuman sang mga ini sa mga pantalan indi lang sa Bredco port kundi kalakip na ang tanan nga pantalan nga ginaagyan pasulod sa Negros Occidental.
Suno diri, may gin-deploy man nila ang mga K-9 dogs nga trained sa pag-detect sang narcotics kag EOD.
Nagapabilin nga normal ang sitwasyon sa mga pantalan.
Nagpanugyan man ini sa mga travelers kag mga pumuluyo nga magsunod lamang sa mga pagsulundan nga ginapatuman sa mga pantalan agud nga malikawan nga madelay ang pagbiyahe.
