Nagdangat sa 16 ka mga civilian informants ang nakabaton sang kabug-usan nga P3.6 million nga cash rewards nagikan sa Philippine Drug Enforcement Agency sa idalom sang Operation Private Eye nga programa sang ahensya.
Sa interview sang Bombo Radyo kay PDEA Negros Occidental head Nicholas Gomez, ang Operation Private Eye ang ginalakipan sang mga civillians nga informant sang PDEA angot sa mga illegal drug activities sa ila nga Lugar.
Suno Kay Gomez, may yara sang pormas nga ginafill-out ang civilian nga ginabutang ang Alyas kag ginapabilin ini nga confidential.
Suno diri ang paghatag sang reward ang ginapatigayon sa tion sang anibersaryo sang ahensya.
Gin athag man ni Gomez nga ang reward nakadepende kun mangin madinalag on ang pagpatigayun sang buybuyst operation santo sa ginhatag nga impormasyon sang civilian nga kabahin sang Operation Private Eye.
Pinakadako nga cash incentive nga nahatag sang ahensya amo ang balor P722,076 sa informant kun sa diin natigayon nga makompiskar ang kapin 12,000 grams sang shabu sa Mandaue City sang tinalikdan nga tuig.
Ang Operation Private Eye rewards committee, ang ginabug usan sang mga miyembro nagikan sa academe, non-government organizations, law enforcement, religious kag business sectors, nga nag-aprubar sang resolusyon nga mahatag sang monetary rewards sa mga informants.
