Ginpasalig sang pinuno sang Philippine Drug Enforcement Agency (PDEA) Negros Occidental nga maayo ang ila nga relasyon sa Philippine National Police sa probinsya kag may yara sang koordinasyon sa ahensya sa tion nga magpatigayon sang drug buybust operation.
Nahibaluan nga duha ka mga pulis ang patay matapos magdangat sa shootout ang buybust operation sang PNP kag PDEA sa mall sa Commonwealth Avenue sa Quezon City kahapon.
Ang PNP kag PDEA ang mansig pamilit nga legitimate ang ila kada buybust operation apang wala pa sang napresentar nga data kun sin-o ang subject sang buybust.
Sa interview sang Bombo Radyo Bacolod kay Nicholas Gomez, ginpahayag sini nga sa tion may yara sila sang operasyon nagacoordinate sila sa police kun joint operation.
Nakadepende man sa ila kasugtanan kun sin-o ang mangin poseur buyer sa patigayunon nga buybust operation.
Nagpasalig man si Gomez nga indi matabo ang pareho nga natabo sa tunga sang PDEA personnel kag PNP sa buybust operation sa Quezon City kagab-i bangud well-coordinated man ang PDEA kag PNP sang probinsya.
