Nagpatigayon sang random drug test kag inspection ang Philippine Drug Enforcement Agency (PDEA) – Negros Island Region sa mga district jail sa probinsya sang Negros Occidental.
Sa interview sang Bombo Radyo kay Agent Jan Keith Capili, spokesperson sang PDEA-NIR, nagpatigayon sila sang drug test sa personnel sang Bureau of Jail Management and Penology (BJMP) kag sa mga Persons Deprived of Liberty (PDLs).
Suno diri, sa Silay City District Jail may yara sang 59 ka BJMP personnel kag 176 ka PDLs; sa San Carlos District Jail may yara sang 34 ka BJMP personnel kag 43 ka PDLs; sa Metro Bacolod Distril Jail may yara sang 62 ka BJMP personnel kag 160 PDLs; kag Talisay City District Jail may yara sang 10 ka BJMP personnel kag 37 ka PDLs.
Suno kay Capili lunsay wala sang may nagpositibo sa drug test sa mga BJMP personnel kag mga PDLs kasubong may nga wala sang may nakuha nga mga illegal paraphernalia kag contrabands sa ginpatigayon nga inspection.
Pahayag ni Capili ang pagpatigayon sang drug test kag inspection agud masiguro nga drug cleared ang facilities kag ang perosnnel kasubong man ang mga PDLs.
