Nagpatigayon sang suprise inspection kag drug testing ang Philippine Drug Enforcement Agency – Negros Island Region sa pila ka mga jail facilities sa rehiyon.
Sila ang una nga nagpatigayon sang surprise inspection kag drug testing sa Dumaguete City Jail sa Negros Oriental sang Hulyo 21, kasubong man sa Talisay City Jail sa Negros Occidental sang Hulyo 25.
Sa interview sang Bombo Radyo Bacolod kay PDEA NIR Spokesperson Agent Jan Keith Capili, regular sila nga nagabisita sa mga jail facilities agud maseguro nga ang mga ini ang drug free.
Nagpatigayon sang drug testing sa jail personnels kag person deprive of liberty (PDLs) kag ginapakamaayo sini nga wala sang may nagpositibo sa paggamit sang illegal nga droga.
Wala man sila sang may narecover nga mga drug-related paraphernalias sa mga na-inspect nga jail facilities.
Pasalig ni Capili nga ang PDEA ang indi mag-untat sa mandato sa pagseguro nga hilway sa illegal nga droga ang mga jail facilities sa koordinasyon sa Bureau of Jail Management and Penology.