Nagpatigayon sang surprise visit kag drug testing ang Philippine Drug Enforcement Agency – Negros Island Region (PDEA-NIR) sa pila ka mga jail facilities sa Negros Oriental.
Sila ang nakapatigayon sang greyhound operation sa mga selda sang Bais City Jail, Tanjay District Jail, Manjuyod District Jail kag Mabinay Municipal Jail.
Sa interview sang Bombo Radyo Bacolod kay Agent Jan Keith Capilo, acting public information officer sang PDEA-NIR, ongoing pa ang ila mga aktibidad apang ini ang surprised visit gani wala ginapabalo kun sa diin ang masunod.
Wala naman sang may nagpositibo sa Persons Deprived of Liberty (PDL) kag jail personnel sa ginpatigayon nga drug test.
Samtang wala man sila sang may narecover nga illegal nga droga kag illegal drug paraphernalia sa mga jail facilities.
Suno kay Capilo, ang resulta sang surprise visit ang nagaboost sa morale sang Bureau of Jail Management and Penology (BJMP) personnel.
Pasalig sini nga ang PDEA ang committed sa pagpabilin ang drug free environment sa mga jail facilities.
