Dako ang pasalamat ni out-going Philippine Drug Enforcement Agency (PDEA) Regional Director Atty. Alex Tablate sa bulig kag pag-ugyon sang mga pumuluyo sa Western Visayas samtang ginapamunuan sini ang ahensya.
Sa interview sang Bombo Radyo Bacolod kay Atty. Alex Tablate, out going regional director sang PDEA Region 6, ginpahayag sini nga santo sa direktiba nga ginpagwa sang tinalikdan nga adlaw, iga-assign ini sa laboratory service sa national headquarters bilang Acting Service Director kag pagabuslan naman ini ni Director Edgar Apalla nga nagikan naman sa PDEA Cordillera Administrative Region (CAR).
Maga-take effect ang mando sa reshuffling sa Hunyo 15 kag may yara man sang patigayunon nga turn-over sa tion nga mag-abot sa masunod nga semana si Apalla kag maga-biyahe man si Tablate padulong sa Quezon City.
Ginpahayag man sini nga madamo man siya sang mga memories sa pagpamuno sang ahensya sa Region 6.
Sa pagpanguna sini, nagdangat na sa 76% ukon 3,098 out of 4,051 barangays ang na-drug cleared sa Western Visayas.
Nagalaom ini nga madugangan ang mga na-drug clear antes matapos ang ini nga tuig kag ginalauman man sini nga padayunon sang mga pumuluyo ang suporta sa PDEA.
Ginpasalamatan man ni Tablate ang media bangud napahibalo sa publiko ang mga aktibidad kag mga hinimuan sang ahensya.
