Ginapanindugan sang Task Force Kasanag ang adbokasiya sini nga peace and progress sa pagserbisyso sang organisasyon para sa katawhayan, kalinongan kag kauswagan sang nasyon ilabi na sa probinsya sang Negros Occidental.
Sa interview sang Bombo Radyo kay John Chiong, national commander sang Task Force Kasanag, kaupod sini ang national kag local government sa pagserbisyo sa publiko apang aminado ini nga kulang sa gihapon ang pwersa sini sa pagtapna sang korapsyon, illegal nga druga kag krimen sa nasyon.
Suno diri, madamo na sang accomplishment ang organisasyon, nga nalipay ini sang na-recognize sang Office of the Ombudsman ang ila trabaho.// Pahayag ni Chiong, padayon ang pagtrabaho sang Task Force Kasanag sa pagpauntat kag pagbuhin sa mga korap nga gobyerno nga suno diri madamo na ini sang na-complain.
Kasubong man nga gusto sini hatagan sang hustisya ukon tupong nga paglantaw ang tagsa nga masami ginapakanubo sang mga impluwensyado ukon may mga pwersa nga persona.
Samtang, ang international chapter naman sang Task Force Kasanag, ang dedikado nga nagahatag sang bulig sa nasyon ilabi na kun may yara sang kalamidad.
Ginpasalamatan man ni Chiong, ang tanan nga mga opisayales sang oraganisayon kag tanan nga nag-apresyar sang tarabaho kag effort sang Task Force Kasanag.
