Nagpanawagan si Negros Occidental Provincial Comelec Supervisor Atty Ian Lee Ananoria sa mga aspirants para sa local elections nga makigbahin sa peace covenant signing.
Suno kay Negros Occidental Provincial Comelec Supervisor Atty Ian Lee Ananoria, sang nakaligad nga Biyernes nagpatigayon na sang covenant signing ang banwa sang Moises Padilla kun sa diin may yara man sang ginpatigayon nga unity walk.
Kasubong man nga nagpatigayon sang covenant signing ang banwa sang Toboso sang Pebrero 3, banwa sang EB Magalona sang Pebrero 4, ciudad sang Bago sang Pebrero 5 kag ciudad sang Sagay sang Pebrero 6.
Ang covenant signing ang ginpangunahan ni Negros Occidental Police Provincial Office (NOCPPO) Director Col. Rainerio De Chavez.
Suno kay Ananoria, sa Huwebes naman patigayunon ang covenant signing para sa provincial level sa opisina sang NOCPPO alas- 8:00 sang aga.
Pahayag sini, voluntary lang kun makadto ang magapapili sa covenant signing, apang mas maayo kun makigbahin diri agud mapakita nga nagapartisipar ang kandidato sa mga aktibidad para sa malinong nga eleksyon.
