Nangin madinalag-on ang pagpatigayon sang peace covenant signing sa ciudad sang Silay para sa May 12 elections.
Nagtambong sanday incumbent Mayor Joedith Gallego kag former mayor Mark Golez.
Naghinugyaw naman ang supporters sang duha ka partido kun sa diin yara sa tuo nga bahin ang supporters ni Gallego kag yara sa nawala naman ang iya ni Golez.
Wala naman natigayon ang unity walk bangod sa pag-ulan.
Nag-upod sa aktibidad ang Commission on Elections, Armed Forces of the Philippines, kag Philippine National Police kun sa diin yara ang presensya ni Negros Occidental Police Provincial Office (NOCPPO) director Police Col. Rainerio De Chavez.
May ginpatigayon man nga misa nga sa tion sa pagtamyawanay sang ‘peace be with you’, naghaksanay sanday Gallego kag Golez.
Sa interview sang Bombo Radyo Bacolod kay Police Lt Col. Mark Antony Darroca, hepe sang Silay City Police Station, nagapasalamat ini nga nangin madinalag-on ang aktibidad nga nagapakita nga ang pulitika sa Silay ang may kooperasyon para sa matawhay nga eleksyon.
