Gindismiss ni Ukrainian President Volodymyr Zelenskiy ang ginaplanuhan nga paghinun-anon sa tunga sang Amerika kag Russia natuhoy sa pagtapos sang gyera sa Ukraine kag ginreiterate nga dapat imbolbado ang Kyiv sa maskin ano nga mga diskusyon natuhoy sa puturo sini.
Ini ang ginpahayag ni Zelenskiy kadungan sang pag-abot ni U.S. Secretary of State Marco Rubio sa Saudi Arabia antes ang high-stakes talks sa tunga sang mga opisyales sang Amerika kag Russia, nga nagtuga sang kahangawa sa Ukraine nga indi ini imbolbado sa peace process.
Suno diri, indi makigbahin ang Ukraine sa mga negosasyon kag wala ini nakahibalo sang maskin ano nga impormasyon natuhoy diri.
Sang Lunes, ginpahayag sang Kremlin nga igapadala sini ang top diplomate ni President Vladimir Putin kag ang iya chief foreign policy advisor sa Riyadh para sa negosasyon, nga may tinutuyo nga makahatag sang paagi agud makapatigayon sang meeting ang mga pinuno sang Amerika kag Russia.
