-- ADVERTISEMENT --
Igadul-ong na sa ulihi nga palahuwayan ang 15 anyos nga dalagita nga una namissing apang nasapwan nga wala na sang kabuhi sa sulod sang katubuhan sa ciudad sang La Carlota, Negros Occidental.
Madumduman nga namissing si Pearl Joy Galve sang Hulyo 29 kag ini ang nasapwan na lamang nga nagakaagnas na sa kampo sa ciudad sang La Carlota sang Agosto 13.
Sang Sabado, nag-abot ang bangkay sang dalagita sa ila puluy-an sa Purok Pag-asa sa Barangay Sum-Ag, Bacolod City kag ini ang ginhaya sang duha kagab-i kag ini ang igalubong subong nga adlaw, Agosto 19 alas 9:00 ang takna sa aga.
Ang misa ang patigayunon sa St. John Nepomuceno Parish antes ilubong sa Sum-Ag Public Cemetery.
