Ginpahayag sang pakaisa sang 15 anyos nga dalagita nga nasapwan sang Miyerkules nga wala na sang kabuhi sa sulod sang kampo sa Hacienda San Roque, Brgy. Cubay, La Carlota City, Negros Occidental nga sang nagpadulong sila sang Agosto 3 sa La Carlota kaupod man nila ang stepfather ni Pearl Joy Galve kag didto nakapanugid ang mga babayi nga nagabantay didto nga nakita nila ang dalagita.
Suno sa panaysayon sang nakakita, si Pearl Joy Galve ang ulihi nila nakita nga nagapakadto-pakari sa karinderya gani ginbugno nila ini kag ginpamangkot kun makaon apang nagpangindi ang dalagita.
Suno sa nakakita, si Pearl Joy ang nagapanglapsi kag nagapanggit-om.
Ginapangita man sini ang iya ‘Papa’ apang wala mahibaluan kun biological nga amay ukon ang stepfather ang ginatumod sini.
Sa karun ang stepfather ni Pearl Joy ang indi na makita kag kun tawgan nagasabat man apang ginapatay man dayun samtang lain-lain naman nga lugar ang iya ginasugid.
Ulihi nga nakita ang stepfather sang Agosto 9.
