-- ADVERTISEMENT --
Ginpili ang “And The Breadwinner Is” movie ni Vice Ganda sa Metro Manila Film Festival nga mangin tiglawas sang Pilipinas para sa ika-20 nga Osaka Asian Film Festival.
Ang nasambit nga pelikula ang ipagwa sa Spotlight section sang festival nga patigayunon sa Marso 14 tubtob 23, 2025.
Sa gintalana nga oras, paggwaon ang movie ni Vice Ganda sa Marso 18 alas-3:30 sa hapon kag Marso 21 alas-6:50 sa gab-i sa Theater Umeda, Cinema 4.
Madumduman nga nagbaton sang tatlo ka pasidungog ang nasambit nga pelikula sa Platinum Stallion Media Awards lakip na ang pagkilala bilang Film of the Year, Film Director of the Year para kay Jun Robles Lana kag Best Film Artist para kay Vice Ganda.
