Nakahunong na sa karun sa Bacolod City Police Station 3 ang person of interest sa pagpatay sa isa ka babaye sa Purok Makawiwili, Brgy. Banago syudad sang Bacolod kahapon.
Ginkilala ang person of interest kay Josan Destua, 31 anyos, may tatlo ka mga kabataan.
Sa interview kay Josan, wala siya sang ideya sa natabo sa iya live-in partner bangud didto ini nagtinir sa balay sang iya ginikanan sa Homesite humalin pa sang Biyernes sang aga.
Suno kay Josan, ulihi niya nga naka-istorya si Roselyn sadtong Pebrero 16.
Aminado naman si Josan nga naga-away sila sang biktima nga iya naka-upod na sang masobra duha ka tuig.
Suno diri gin-atubang niya nalang ang mga kapulisan agud nga indi na siya mamukmukan sa krimen nga indi man siya ang may kahimuan kag nasal-an lamang siya.
Nagapanawagan naman si Josan sa naghimo sang krimen nga magpadulong sa kapulisan bangud suno sa iya indi niya gusto nga siya ang manabat ukon mapasibangdan sa natabo kay Roselyn.
