Patay ang 37 anyos nga person with disability (PWD) matapos nga ginluthang sa gwa sang ila balay sa Sitio Naube, Brgy. Puso, La Castellana, Negros Occidental, alas-7:30 sang gab-i sang Huwebes.
Sa interview sang Bombo Radyo Bacolod kay Police Major Sherwin Fernandez, officer in charge sang La Castellana Municipal Police Station, ang biktima ang ginkilala kay Armando Binaloac.
Ginhagad ni Binaloac ang live-in partner sini nga magpadulong sa balay sang iya utod, apang samtang nagapanaog ini sa hagdanan, may nabatian nga mga linupok.
Ginhakos sang iloy ni Binaloac ang live-in partner sini kag matapos ang linupok, ila ginsug-an si Binaloac kag nakita nga may igo ini sang armas sa ulo.
Suno kay Fernandez, narekober sa area ang bala sang gina-alegar caliber 45 kag 5.56mm.
Sa karun, padayon pa ang imbestigasyon sa pagtumod sa motibo sa pagpatay kag sa mga suspetsado.
