Personal nga dumot ang ginalantaw nga motibo sa pagluthang-patay sa isa ka high school teacher samtang nagahampang sa computer shop sa Purok Lubi, Barangay 3, Bacolod City.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, ang biktima nga ginkilala nga si Rex Calimpon ang ginkilala mismo sang iya asawa.
Pahayag sini nga ang biktima ang residente sa Bago City apang nagatudlo sa banwa sang Pulupandan.
Sa imbestigasyon, si Calimpon ang may abyan sa Barangay 3 nga masami sini ginalagawan kun wala sang trabaho.
Sa impormasyon nga natipon sang Bombo News Team, ang suspect ang katupad sang manunudlo sa computer shop tubtob nga ini ang naglisensya nga magpangihi.
Apang sa pagbalik, hinali na lamang sini nga ginluthang si Calimpon.
Sa karun, personal grudge ang motibo nga ginalantaw sang kapulisan sa paghimo sang krimen.
