Patay ang personnel sang Bureau of Jail Management and Penology nga assigned sa Victorias City Jail matapos magbunggu-anay ang duha ka motorsiklo sa National Highway, Brgy Alicante, EB Magalona, Negros Occidental alas-9:40 kagab-i.
Ang aksidente ang ginalakipan sang Royal Enfield 450CC nga motorsiklo nga ginamaneho sang Jail Officer 1 sang Victorias City Jail, kag residente sang Prk Pasil, Brgy Zone 1, Victorias City, nga may angkas nga 29 anyos nga lalaki, 29 anyos, residente sang Gloriville, Brgy 13, Victorias City; kag sang Honda XRM 125 nga ginamaneho sang isa ka salesboy, nga residente sang Quezon Street, Brgy 4, Victorias City.
Ang duha ka motorsiklo ang parehas nga nagabyahe sa sur padulong sa norte nga dereksyon, kun sa diin ang motorsiklo sang BJMP personnel ang yara sa outer lane, samtang sa inner lane naman ang motorsiklo sang salesboy, tubtob nga sila ang nagbunggu-anay.
Parehas nga nag-angkon sang damages ang duha ka motorsiklo, samtang gindala naman sa Kaayong Lawas Medical Center sa Victorias City ang tatlo ka biktima, apang ang BJMP personnel ang gindeklarar nga dead on arrival matapos maka-agom sang patal nga pilas sa ulo.
